Gen 36 | NdeIBE | STEP | Lo ngumlando ka-Esawu (kutsho u-Edomi):

Genesis 36

Izizukulwane zika-Esawu

1 Lo ngumlando ka-Esawu (kutsho u-Edomi):

2 U-Esawu wathatha ebafazini baseKhenani: u-Ada indodakazi ka-Eloni umHithi, lo-Oholibhama indodakazi ka-Ana, njalo eyindodakazi kaZibheyoni umHivi – 3 njalo loBhasemathi indodakazi ka-Ishmayeli njalo engudadewabo kaNebayothi.

4 U-Ada wazala u-Elifazi ku-Esawu, uBhasemathi wazala uRuweli,

5 u-Oholibhama wazala uJewushi, loJalamu loKhora. La ayengamadodana ka-Esawu, awazala eKhenani.

6 U-Esawu wathatha omkakhe lamadodana akhe kanye lamadodakazi akhe labo bonke ababesemzini wakhe, kanye lezifuyo zakhe lezinye izinyamazana zakhe njalo lezimpahla zonke ayezizuzile eKhenani, wasuduka waya khatshana lomfowabo uJakhobe. 7 Imfuyo yabo yayinengi kakhulu okokuthi babengeke bahlale ndawonye; lomhlaba ababehlala kuwo wawungasoze ubathwale bobabili ngenxa yezifuyo zabo. 8 Yikho u-Esawu (kutshiwo u-Edomi) wayakwakha elizweni lamaqaqa elaseSeyiri.

9 Lo ngumlando ka-Esawu uyise wama-Edomi elizweni lamaqaqa elaseSeyiri.

10 La ngamabizo amadodana ka-Esawu: U-Elifazi, indodana yomka-Esawu u-Ada, lo Ruweli indodana yomka-Esawu uBhasemathi.

11 Amadodana ka-Elifazi: uThemani, lo-Omari, loZefo, loGathamu loKhenazi.

12 Indodana ka-Esawu u-Elifazi wayelomfazi weceleni njalo owayethiwa nguThimina, owamzalela u-Amaleki. Laba babengabazukulu baka-Ada umka-Esawu.

13 Amadodana kaRuweli: uNahathi, loZera, loShama loMiza. Laba bebengabazukulu bomka-Esawu uBhasemathi umka-Esawu.

14 Amadodana kamka-Esawu u-Oholibhama, indodakazi ka-Ana, njalo engumzukulu kaZibheyoni, awazalela u-Esawu yila: uJewushi, uJalamu loKhora.

15 Laba babeyizinduna kwabosendo luka-Esawu: Amadodana ka-Elifazi izibulo lika-Esawu: Izinduna oThemani, lo-Omari, loZefo, loKhenazi, 16 loKhora, loGathamu, lo-Amaleki. Lezi zaziyizinduna ezidabuka ku-Elifazi, e-Edomi; zazingabazukulu baka-Ada.

17 Amadodana kaRuweli indodana ka-Esawu: Izinduna oNahathi, loZera, loShama loMiza. Lezizinduna zazidabuka kuRuweli e-Edomi; zazingabazukulu bakaBhasemathi umka-Esawu.

18 Amadodana ka-Oholibhama, umka-Esawu: Izinduna oJewushi, loJalamu loKhora. Lezi zaziyizinduna ezazidabuka kumka-Esawu, u-Oholibhama, indodakazi ka-Ana.

19 La ayengamadodana ka-Esawu (kutshiwo u-Edomi), njalo bona babeyizinduna zabo.

20 La ayengamadodana kaSeyiri um-Hori, ababehlala kuwona lowo ummango: U-Lothani, loShobhali, loZibheyoni, lo-Ana, 21 loDishoni, lo-Ezeri loDishani. La amadodana kaSeyiri e-Edomi ayeyizinduna zamaHori.

22 Amadodana kaLothani: uHori loHomami. UThimina wayengudadewabo kaLothani.

23 Amadodana kaShobhali: u-Alivani, loManahathi, lo-Ebhali, loShefo lo-Onami.

24 Amadodana kaZibheyoni: u-Ayiya lo-Ana. Lo nguye u-Ana owafumana izintombo zamanzi atshisayo enkangala eselusa obabhemi bakayise uZibheyoni.

25 Abantwana baka-Ana: uDishoni lo-Oholibhama indodakazi ka-Ana.

26 Amadodana kaDishoni: uHemidani, lo-Eshibhani, lo-Ithirani loKherani.

27 Amadodana ka-Ezeri: uBhilihani, loZavani lo-Akhani.

28 Amadodana kaDishani: u-Uzi lo-Arani.

29 Laba babeyizinduna zamaHori: ULothani, loShobhali, loZibheyoni, lo-Ana,

30 uDishoni, lo-Ezeri loDishani, laba babeyizinduna zamaHori kusiya ngezigaba zabo elizweni laseSeyiri.

Ababusi base-Edomi

31 La ayengamakhosi abusa e-Edomi kungakabusi inkosi yako-Israyeli:

32 UBhela indodana kaBhewori waba yinkosi e-Edomi. Idolobho lakhe lalibizwa ngokuthi yiDinihaba.

33 UBhela esefile, uJobabi indodana kaZera waseBhozira wathatha isikhundla sobukhosi.

34 UJobabi esefile, uHushami waselizweni lamaThemani wathatha isikhundla sobukhosi.

35 UHushami esefile, uHadadi indodana kaBhedadi, owanqoba uMidiyani elizweni laseMowabi, wathatha isikhundla sobukhosi. Idolobho lakhe lalibizwa ngokuthi yi-Avithi.

36 UHadadi esefile, uSamula waseMasireka wathatha isikhundla sobukhosi.

37 USamula esefile, uShawuli waseRehobhothi phezu komfula wathatha isikhundla sobukhosi.

38 UShawuli esefile, uBhali-Hanani indodana ka-Akhibhori wathatha isikhundla sobukhosi.

39 UBhali-Hanani indodana ka-Akhibhori esefile, uHadadi wathatha isikhundla sobukhosi. Idolobho lakhe labizwa ngokuthi yiPawu; njalo ibizo lomkakhe lalinguMehethabeli indodakazi kaMathiredi, indodakazi kaMe-Zahabi.

40 Lezi zaziyizinduna ezadabuka ku-Esawu, ngamabizo azo, kusiya ngosendo lwazo lezigodi zazo: UThimina, u-Aliva, uJethethi, 41 lo-Oholibhama, u-Ela, uPhinoni, 42 loKhenazi, loThemani, loMibhizari, 43 uMagidiyeli lo-Iramu. Lezi zaziyizinduna ze-Edomi, kusiya ngokuhlala kwabo elizweni ababakhe kulo. Nguye-ke u-Esawu uyise wama-Edomi.